შვედეთის სამეფოს დედაქალაქ სტოკჰოლმში, საკვებისა და ღვინის საერთაშორისო გამოფენაში ,,Stockholm Food and Wine"  ქართული ღვინის მწარმოებელმა შვიდმა კომპანიამ „ვაზის კალამი", „მათრობელა ვაინსი", „ვაზისუბნის მამული", „ქართველი", „ქიმერიონი", „მიხეილის მარანი" და „ტყუპების საღვინე სახლი" მიიღო მონაწილეობა.

 „Stockholm Food and Wine"-ზე მოსული სტუმრები ქართული ღვინისა და მისი წარმოების 8000-წლიანი ისტორიისადმი განსაკუთრებულ ინტერესს იჩენდნენ.

ქართული ღვინის წარდგენა აღნიშნულ გამოფენაზე, სადაც ტრადიციულად ათასობით ღვინის პროფესიონალი იკრიბება, შვედეთის სამეფოში საქართველოს საელჩოს თანადგომით განხორციელდა და განსაკუთრებით მნიშვნელოვანი იყო სკანდინავიის ქვეყნებში ქართული ღვინის პოპულარიზაციისთვის.

აღსანიშნავია, რომ, 2022 წელს, ღვინის ეროვნული სააგენტოს აქტიური მუშაობის შედეგად, სკანდინავიის ქვეყნებში რამდენიმე მნიშვნელოვანი მარკეტინგული აქტივობა განხორციელდა, მათ შორის,  შვედეთის დედაქალაქ სტოკჰოლმში ქართული ღვინის მასტერკლასი ჩატარდა, შეხვედრები გაიმართა საზოგადოებასთან კომუნიკაციის ჯგუფთან Partner&CEO „Wine publishing AB", შვედეთში ღვინისა და გასტრონომიული უმსხვილესი გამოფენის „Stockholm food and wine fair" ორგანიზატორებთან და შვედეთის სამეფოში ალკოჰოლური სასმელების მაკონტროლებელი უწყების „Systembolaget"  წარმომადგენელთან.

აღნიშნული აქტივობები ემსახურება ქართული ღვინის საექსპორტო ბაზრების დივერსიფიკაციას, შვედეთის ღვინის ბაზარზე ქართული ღვინის პოპულარიზაციას,  ადგილობრივ მომხმარებელსა და პროფესიონალებში ქართული ღვინის ცნობადობის გაზრდას.

აღსანიშნავია, რომ მიმდინარე წელს, საქართველოდან შვედეთში ექსპორტირებულია 152 ათასი ბოთლი ღვინო, ზრდამ, გასული წლის ანალოგიურ პერიოდთან შედარებით, 56% შეადგინა.

ავტორი: NS (სტატია დაფინანსებულია),

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები