გერმანიის კანცლერმა ოლაფ შოლცმა რუსეთის პრეზიდენტი ვლადიმერ პუტინი ბალიში G20-ის ქვეყნების შეხვედრაზე არ დასწრების გამო გააკრიტიკა. ამის შესახებ Spiegel-ი წერს.

კანცლერის თქმით, პუტინის არყოფნა ხელს არ შეუშლის სხვა ქვეყნებს გააკრიტიკონ რუსეთის აგრესიული ომი და მოუწოდონ რუსეთს, გაიყვანოს ჯარები უკრაინიდან. 

"კარგი იქნებოდა, რომ პრეზიდენტი პუტინი G20-ის სამიტს დასწრებოდა, მაგრამ მაშინ, მას მოუწევდა ყველა კითხვასთან და კრიტიკასთან შეხება, რომელიც მსოფლიოს ბევრ ქვეყანას აქვს, ამიტომ არ არის ის აქ", - განაცხადა შოლცმა.

შეგახსენებთ, რომ რუსეთის პრეზიდენტმა ვლადიმერ პუტინმა, რომელმაც ინდონეზიაში ჩასვლა გადაიფიქრა, G20-ის სამიტს არც ვირტუალურ რეჟიმში დაესწრება, ვინაიდან ეს გადაწყვეტილება "პუტინის განრიგს და რუსეთში ყოფნის აუცილებლობას უკავშირდება".

მიუხედავად იმისა, რომ პუტინი პირადად არ დაესწრება G20-ის ქვეყნების ლიდერების სამიტს,  რუსეთის დელეგაციას საგარეო საქმეთა სამინისტროს ხელმძღვანელი, სერგეი ლავროვი უხელმძღვანელებს.

რაც შეეხება უკრაინის მხარეს -  ვოლოდიმირ ზელენსკი სამიტს, სავარაუდოდ, ონლაინ ფორმატში შეუერთდება.

ავტორი: ექსპრესნიუსი,

სოციალური ქსელები

ფასების კომისიის დასკვნა: ჩვენი რეკომენდაციაა უფრო რბილი ჩარევა, ვიდრე აგრესიული

მომსახურების სააგენტოს ხელმძღვანელი შალვა კბილაშვილი გახდა

თბილისში ჯაზის მსოფლიო დღე აღინიშნა

ფასების კომისიის მილიონერი თავმჯდომარე - რეგიონებში დისტრიბუციის ცენტრები უნდა შეიქმნას