ეს ადამიანი ჩემ წინ მიდიოდა, ჩვეულებრივად ჩაცმული, როგორც კი შევიდა მალევე იყო გასროლა,- ამის შესახებ ქუთაისში, „საქართველოს ბანკში“ თავდასხმის ერთ-ერთმა თვითმხილველი, სოფო ნუცუბიძემ „მთავარ არხთან“ საუბრისას განაცხადა.

მისი თქმით, ბანკში ამ დრომდე რჩებიან სხვა მომხმარებლები.

„საქართველოს ბანკში მივდიოდი თანხის ჩასარიცხად, ჩექინი მქონდა გასაკეთებელი ბილეთზე და გვერდით "ავიაბილეთებში" შევედი უცებ, ეს ადამიანი ჩემ წინ მიდიოდა, ჩვეულებრივად ჩაცმული, არაფერი განსაკუთრებული, როგორც კი შევიდა მალევე იყო გასროლა. გარედან დაიძახეს ნიღბიანია შესულია და ავტომატურად ვინც შევძელით გამოვიქეცით. რომ გამოვედი, ნიღაბი უკვე ჩამოწეული ჰქონდა და აკვირდებოდა გარეთ თუ იყო ვინმე, თქვეს, რომ თანხის გამოსატანად არიან შესულებიო, მე ეს არ დამინახავს", - თქვა თვითმხილველმა.

მისივე თქმით, თავდამსხმელს სავარაუდოდ ჯინსის ქურთუკი ეცვა, ეკეთა ნიღაბი და აკვირდებოდა გარეთ თუ იყო ვინმე.

შეგახსენებთ, რომ ცოტახნის წინ ქუთაისში, შოთა რუსთაველის გამზირზე მდებარე "საქართველოს ბანკის" ფილიალში თავდასხმა მოხდა.

ამჟამად ადგილზე მობილიზებული სამართალდამცველები ყველა საჭირო და გადაუდებელ პროცედურას ატარებენ, ასევე მიმდინარეობს საგამოძიებო და ოპერატიული ღონისძიებები.

ავტორი: ექსპრესნიუსი,

სოციალური ქსელები

Financial Times: ტრამპისა და რუსეთს შორის დიზელის თაობაზე დადებული შეთანხმება საფრთხეშია

რეკორდული წარმომადგენლობა - აშშ-ის კონგრესა და სენატში შვიდი მუსლიმი აირჩიეს

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია