პენტაგონი - კონტრშეტევაში უკრაინელების წინსვლას ვაკვირდებოდით და იმედისმომცემი ნიშნები ვიხილეთ

2022-09-10 10:18:59, 1625 ნახვა

მსოფლიო

უკრაინის კონტრშეტევამ, რომელიც 1 სექტემბერს ხერსონის რეგიონში დაიწყო, აჩვენა, რომ უკრაინელებმა დასავლელი პარტნიორების მიერ მიწოდებული სამხედრო აღჭურვილობისა და იარაღის ეფექტიანად გამოყენება შეძლეს,- ამის შესახებ აშშ-ს თავდაცვის მდივნის მოადგილემ, საშა ბეიკერმა განაცხადა.

მისი თქმით, პენტაგონი აკვირდება მიმდინარე კონტრშეტევასა და უკრაინელების წინსვლას.

„ჩვენ ყურადღებით ვაკვირდებით კონტრშეტევაში უკრაინელების წინსვლას. ვფიქრობ, ვიხილეთ იმედისმომცემი ნიშნები, თუნდაც ბოლო 2 დღეში",- განაცხადა ბეიკერმა.

შეგახსენებთ, რომ ეს პირველი შემთხვევაა, როდესაც აშშ-ის თავდაცვის დეპარტამენტმა უკრაინის ოპერაციას კონტრშეტევა უწოდა.

აქამდე, ამ ტერმინის გამოყენებას მაღალჩინოსნები თავს არიდებდნენ, მათ შორის აშშ-ს თავდაცვის მდივანი, ლოიდ ოსტინი და შეაიარაღებული ძალების გაერთიანებული შტაბის უფროსი, გენერალი მარკ მილი.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,