2022-07-29 18:22:30, 1418 ნახვა
საზოგადოება
ვერტმფრენის ჩამოვარდნის გამო, გუდაურის გზაზე მოძრაობა აკრძალულია
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, გუდაურში, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის 94-ე კილომეტრთან, შინაგან საქმეთა სამინისტროს სასაზღვრო პოლიციის კუთვნილი ვერტმფრენის ჩამოვარდნის გამო, გზის აღნიშნულ მონაკვეთზე, სამაშველო ღონისძიებების დასრულებამდე, დროებით ყველა სახის ავტოტრანსპორტის მოძრაობა აკრძალულია.
შეგახსენებთ, რომ სამაშველო ვერტმფრენი, რომელიც გუდაურში პარაპლანის ამოსაყვანად მიფრინავდა, კლდეს შეეჯაახა და აფეთქდა. ბორტზე ეკიპაჟის წევრების გარდა, იმყოფებოდნენ შინაგან საქმეთა სამინისტროს საგანგებო სიტუაციების მართვის სამსახურის მაშველები და მედიკოსები.
ავტორი: ექსპრესნიუსი,
epn.ge (@expressnews.ge)
