2022-05-24 13:11:33, 1960 ნახვა
პოლიტიკა
ნათია თურნავა ეროვნული ბანკის საბჭოს წევრობის კანდიდატად წარადგინეს
საქართველოს პრეზიდენტმა სალომე ზურაბიშვილმა პარლამენტს ეროვნული ბანკის საბჭოს წევრის თანამდებობაზე ასარჩევად, ნათია თურნავას კანდიდატურა წარუდგინა. აღნიშნულის შესახებ ინფორმაციას საქართველოს პარლამენტი საკუთარ ვებ-გვერდზე ავრცელებს.
როგორც პარლამენტის თავმჯდომარის პირველმა მოადგილემ, გიორგი ვოლსკიმ ბიუროს სხდომაზე აღნიშნა, საკითხს პარლამენტის საფინანსო-საბიუჯეტო კომიტეტი და დარგობრივი ეკონომიკისა და ეკონომიკური პოლიტიკის კომიტეტი უახლოეს დღეებში განიხილავს.
ეროვნული ბანკის საბჭოს წევრებს პრეზიდენტის წარდგინებით პარლამენტი 7 წლის ვადით ირჩევს.
შეგახსენებთ, რომ ნათია თურნავამ ეკონომიკის მისნიტრის პოსტი 9 თებერვალს დატოვა.
ავტორი: ექსპრესნიუსი,
epn.ge (@expressnews.ge)
