დღეს „ნაციონალური მოძრაობის“ აქტივისტს, ომის პარტიის ახალგაზრდული ფრთის, „სირცხვილიას“ წარმომადგენელ შოთა დიღმელაშვილს მოვუგე სასამართლო დავა, სადაც უტყუარად დადასტურდა, რომ 2019 წელს ჩემი პატივისა და ღირსების შემლახველი ცრუ ინფორმაცია გაავრცელა - ამის შესახებ უმრავლესობის წევრი ნინო წილოსანი სოციალურ ქსელში წერს. 

ნინო წილოსანის თქმით, 2019 წლის აგვისტოში შოთა დიღმელაშვილმა მას ბრალი დადო .ე.წ. „კრიშობაში“,  რაც იყო და არის ტყუილი.

მისივე თქმით, ძალიან სამწუხაროა, რომ ეს არის დიღმელაშვილისნაირი პოლიტიკურად ანგაჟირებული ადამიანების რეალური სახე - სიცრუეზე და ფეიქ-ნიუსებზე დაფუძნებული კამპანია.

„დღეს „ნაციონალური მოძრაობის“ აქტივისტს, ომის პარტიის ახალგაზრდული ფრთის, „სირცხვილიას“ წარმომადგენელ შოთა დიღმელაშვილს მოვუგე სასამართლო დავა, სადაც უტყუარად დადასტურდა, რომ 2019 წელს ჩემი პატივისა და ღირსების შემლახველი ცრუ ინფორმაცია გაავრცელა 
მოკლედ რომ მოგიყვეთ რა მოხდა:

2019 წლის აგვისტოში პირდაპირ (LIVE) ჩართვაში შოთა დიღმელაშვილმა ბრალი დამდო ე.წ. „კრიშობაში“, რაც ჩემთვის სრულიად მიუღებელი და შეურაცხმყოფელია, რაც ყველაზე მთავარია, მისი საჯაროდ გავრცელებული ინფორმაცია იყო და არის ტყუილი!

სწორედ ამიტომ შევიტანე თავის დროზე სარჩელი და მიხარია, რომ სასამართლოს გადაწყვეტილებამაც მთელს ამ პროცესში ერთადერთი ჭეშმარიტება დაადგინა - დიღმელაშვილის გავრცელებული ინფორმაცია იყო სიცრუე და ემსახურებოდა მხოლოდ ჩემს დისკრედიტაციას.
ძალიან სამწუხაროა, რომ ეს არის მისნაირი პოლიტიკურად ანგაჟირებული ადამიანების რეალური სახე - სიცრუეზე და ფეიქ-ნიუსებზე დაფუძნებული კამპანია. ძალიან სამწუხაროა, რომ ასეთ ადამიანებს ჰგონიათ საჯარო პირებს ნაკლებ დაცვის ღირსი უფლებები აქვთ ან მათი ღირსების შელახვის დასაშვებობა მათ პოლიტიკურ კუთვნილებასთან არის დაკავშირებული.

პ.ს. იმედი მაქვს, სასამართლოს ეს გადაწყვეტილება მცირე როლს მაინც ითამაშებს, რომ ელემენტარული სტანდარტი მაინც დავამკვიდროთ - ასე ხელაღებით არ შეიძლება ადამიანის ღირსება შევლახოთ“ - წერს ნინო წილოსანი Facebook-ზე.
 

ავტორი: NS (სტატია დაფინანსებულია),

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა