საქართველოს აქვს ისტორიული შესაძლებლობა, დაიკავოს აფხაზეთი და სამხრეთი ოსეთი. - ამის შესახებ ინფორმაციას 
უკრაინის პრეზიდენტის ოფისის ხელმძღვანელის მრჩეველი, ოლექსი არესტოვიჩი ამერიკის ხმასთან ინტერვიუში საუბრობს.

მისივე თქმით, უკრაინას ახლა სჭირდება დახმარება.

„გამოვხატავ ჩემს პირად აზრს, არაოფიციალურს. ჩვენ ამას ღრმა შეშფოთებით ვუყურებთ. ჯერ ერთი, ეს არის აფხაზეთისა და სამხრეთ ოსეთის დაკავების ისტორიული შესაძლებლობა. იქ არ დარჩა რუსეთის არმია, ყველა გაიყვანეს; მეორე მხრივ, მათ [ქართველებს] მთელი მსოფლიოსა და უკრაინის მხარდაჭერა ექნებათ. ისინი არა მხოლოდ არ აკეთებენ ამას, არამედ დამატებით ცდილობენ, გაამართლონ რუსეთის პოზიციები და მოქმედებები. ეს ძალიან არამეგობრული ნაბიჯია უკრაინის მიმართ, ჩვენი საერთო საქმის მიმართ, ვინაიდან ჩვენ აქ არა მხოლოდ ჩვენი, არამედ თქვენი თავისუფლებისთვისაც ვიბრძვით. ამას ამყარებს ქართველი ხალხის ადრეული ევროატლანტიკური მისწრაფებები. მე ვფიქრობ, საქართველოს მთავრობა ძალიან ცდილობს, რუსეთის გული მოიგოს თავისი მოქმედებებითა და განცხადებებით. ეს დიდი პრობლემაა ქართველი ხალხისთვის და ჩვენთვის,“ აღნიშნა არესტოვიჩმა.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ