„ჩვენ გვესმის, რომ  ყველა ახალი რეგულაციის მიღება და პრაქტიკაში აღსრულება ვერ განხორციელდება, თუ ჩვენ არ გვექნება კონტროლისა და ზედამხედველობის ეფექტიანი და ძლიერი სისტემა“, - განაცხადა  „მინისტრის საათის“ ფორმატში პარლამენტში გამოსვლისას გარემოს დაცვისა და სოფლის მეურნეობის მინისტრმა, ოთარ შამუგიამ და გარემოსდაცვითი ზედამხედველობის დეპარტამენტის შესაძლებლობების გაძლიერების მნიშვნელობაზე ისაუბრა.

მინისტრის განმარტებით, დეპარტამენტის შესაძლებლობები, ბოლო წლების განმავლობაში, მნიშვნელოვნად გაუმჯობესდა და ამ მიმართულებით მიმდინარე წელსაც არაერთი ღონისძიებების გატარება იგეგმება: „2022 წლისთვის გათვალისწინებულია გარემოსდაცვითი პატრულირების ეკიპაჟების გაძლიერება. ამჟამად, ქვეყნის მასშტაბით მოქმედებს 82 ეკიპაჟი და დაგეგმილია ამ ციფრის 103-მდე გაზრდა.  წელსვე დაგეგმილია დაახლოებით 2 მილიონი ლარის ღირებულების თანამედროვე აღჭურვილობის შეძენა, მათ შორის, დრონები, ფოტოხაფანგები რაციები და სხვა თანამედროვე ტექნიკა-მოწყობილობები“, - განაცხადა ოთარ შამუგიამ.

ოთარ შამუგიამ აღნიშნა, რომ  სახელმწიფოს მიერ გატარებული არაერთი მნიშვნელოვანი ღონისძიების მიუხედავად, გარემოს დაცვის სფეროში კვლავ გამოწვევად რჩება ეფექტიანი აღსრულება და კონტროლი. შესაბამისად, მინისტრის თქმით, უახლოეს მომავალში სამინისტრო წარადგენს საკანონმდებლო ცვლილებებს, რომელთა მიზანი იქნება გარემოსდაცვითი ზედამხედველობის დეპარტამენტის შესაძლებლობებისა და თანამშრომელთა სტიმულირების მექანიზმების გაძლიერება.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი