დიმიტრი მედვედევი უკრაინის ხელისუფლებაზე - იფრთხილონ, გასაცვლელ ადამიანთა შორის თავადაც არ მოხვდნენ

2022-04-13 15:36:46, 1214 ნახვა

მსოფლიო

რუსეთის უშიშროების საბჭოს ხელმძღვანელის მოადგილე, დიმიტრი მედვედევი უკრაინის რადას პრორუსი დეპუტატის, ვიქტორ მედვედჩუკის დაკავებას ეხმაურება.

როგორც მედვედევი აღნიშნავს, უკრაინის ხელისუფლებას მედვედჩუკისგან ინფორმაციის გამოძალვა, შემდეგ კი მისი გასამართლება ან ტყვეებში გაცვლა სურს.

„ცალკეული გიჟები, რომლებიც საკუთარ თავს „უკრაინის ხელისუფლებას“ უწოდებენ, აცხადებენ, რომ სურთ მტკიცბულებების მოპოვება ვიქტორ მედვედჩუკისკან, შემდეგ „სწრაფად და სამართლიანად სურთ გაასაჩივრონ და სამხედრო ტყვეებში გაგვიცვალონ.

ეს ადამიანები გარშემო ფრთხილად უნდა იყურებოდნენ და კარგად ჩაკეტონ სახლის კარები ღამით, რათა გასაცვლელ ადამიანებს შორის თავადაც არ მოხვდნენ“, - წერს დიმიტრი მედვედევი „ტელეგრამზე“.

უკრაინას რადას პრორუსი დეპუტატი და პუტინთან დაახლოებული, ვიქტორ მედვედჩუკი გუშინ დააკავეს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,