დიდმა ბრიტანეთმა ვლადიმერ პუტინისა და სერგეი ლავროვის ქალიშვილებს სანქციები დაუწესა

2022-04-08 15:20:21, 1469 ნახვა

მსოფლიო

დიდმა ბრიტანეთმა რუსეთის პრეზიდენტის, ვლადიმერ პუტინის ქალიშვილები სანქცირებულთა სიაში დაამატა.

ბრიტანეთის სანქციების სიის განახლების მიხედვით, პუტინის ზრდასრულ ქალიშვილებს, კატერინა ტიხონოვასა და მარია ვორონცოვას, ამასთანავე, რუსეთის საგარეო საქმეთა მინისტრის ქალიშვილს, სერგეევნა ვინოკუროვას შეზღუდვები დაუწესდებათ.

მანამდე, პუტინის შვილებსა და რუსეთის საგარეო საქმეთა მინისტრის, სერგეი ლავროვის ცოლსა და შვილს სანქციები აშშ-ის პრეზიდენტის, ჯო ბაიდენის ადმინისტრაციამაც დაუწესა.

ცნობისთვის, უკრაინაში რუსეთის შეჭრის შემდეგ, ბრიტანეთმა და სხვა დასავლელმა მოკავშირეებმა სანქციების რამდენიმე ტალღა გამოაცხადე, რომლები მიზნად ისახავს მოსკოვის მდიდარი ელიტის, ძირითადი ინდუსტრიებისა და მათი საერთაშორისო ფინანსურ სისტემაში წვდომის შეზღუდვას.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,