ევროკავშირმა რუსეთის წინააღმდეგ სანქციების ახალი, მეხუთე პაკეტი შეიმუშავა

2022-04-05 17:48:25, 957 ნახვა

მსოფლიო

ევროკავშირმა რუსეთის წინააღმდეგ სანქციების ახალი, მეხუთე პაკეტი შეიმუშავა. ამის შესახებ ევროკომისიის პრეზიდენტმა, ურსულა ფონ დერ ლაიენმა სოციალურ ქსელ „ტვიტერზე“ დაწერა.

სანქციების ახალი პაკეტი 6 პუნქტიდან შედგება და მოიცავს:

რუსეთიდან წელიწადში ოთხი მილიარდი ევროს ოდენობით ქვანახშირის იმპორტის აკრძალვა
რუსეთის 4 მთავარ ბანკთან, მათ შორის VTB-სთან, ტრანზაქციების აკრძალვა
ევროკავშირის პორტებში რუსეთისა და მის მიერ კონტროლირებადი გემების, ასევე რუსეთის, ბელარუსის საავტომობილო გადამზიდავების შესვლის აკრძალვა
10 მილიარდი ევროს ღირებულების საექსპორტო შეზღუდვები მნიშვნელოვან სფეროებში
5,5 მილიარდი ევროს ღირებულების საიმპორტო აკრძალვები
ევროკავშირის სახელმწიფო შესყიდვებში რუსული კომპანიების მონაწილეობის აკრძალვა. ასევე, ევროკავშირის მხრიდან რუსეთის საჯარო ორგანოებისთვის ნებისმიერი ფინანსური მხარდაჭერის აკრძალვა.