ჯეიკ სალვინი - უკრაინაში ომის ახალი ეტაპი შესაძლოა რამდენიმე თვეს გაგრძელდეს

2022-04-05 10:03:41, 716 ნახვა

მსოფლიო

რუსეთი უკრაინის წინააღმდეგ გეგმებს ცვლის და ომის ახალი ეტაპისთვის ემზადება, რომელიც შესაძლოა რამდენიმე თვეს ან უფრო დიდხანს გაგრძელდეს. - ამის შესახებ აშშ-ის პრეზიდენტის მრჩეველმა ჯეიკ სალივანმა ბრიფინგზე განაცხადა .

სალივანმა აღნიშნა, რომ რუსეთი ახლა თავს დონეცკისა და ლუგანსკის რეგიონებს დაესხმება. სავარაუდოდ, დამპყრობლები გააგრძელებენ ნიკოლაევის ბლოკირებას და ხარკოვზე თავდასხმას.

მისივე თქმით, რუსული ჯარები უკრაინის ჩრდილოეთიდან დონბასში გადანაწილდებიან. სავარაუდოდ, ოკუპანტები იქ დამატებით ათიათასობით ჯარისკაცისგან შემდგარი ბატალიონის ტაქტიკურ ჯგუფებს განათავსებენ.

ამასთან აშშ პროგნოზირებს, რომ რუსეთი ყურადღებას გაამახვილებს ლუგანსკის და დონეცკის რეგიონების ფართო საზღვრების ხელში ჩაგდების მცდელობაზე, რათა წინა სამხედრო წარუმატებლობა „დაფაროს“.

ცნობისთვის, რუსი სამხედროები უკრაინის ტერიტორიაზე 24 თებერვალს, გამთენიისას შეიჭრნენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,