ლიეტვა და ლატვია რუსეთის ელჩებს ქვეყანას ატოვებინებენ

2022-04-04 19:02:22, 593 ნახვა

მსოფლიო

ლიეტუვა რუსეთთან დიპლომატიური ურთიერთობების დონეს აქვეითებს და რუსეთის ელჩს ქვეყანას ატოვებინებს. ამის შესახებ ლიეტუვის საგარეო საქმეთა მინისტრმა გაბრიელიუს ლანდსბერგისმა დღეს, 4 აპრილს, განაცხადა.

მისივე თქმით, ქალაქ კლაიპედაში რუსეთის საკონსულო დაიხურება და ლიეტუვის ამჟამინდელი ელჩი მოსკოვში ქვეყანაში დაბრუნდება.

ლანდსბერგისის თქმით, ესაა პასუხი რუსეთის სამხედრო აგრესიასა და მისი შეიარაღებული ძალების მიერ ჩადენილ სისასტიკ დანაშაულებზე უკრაინის სხვადასხვა ქალაქში, მათ შორის ბუჩას შემზარავ ხოცვა-ჟლეტაზე.

გარდა ამისა, ლანდსბერგისის განცხადებით, უკრაინაში ლიეტუვის ელჩი კიევში დაბრუნდება.

ლატვიამ ასევე შეამცირა რუსეთთან დიპლომატიური ურთიერთობების დონე. რიგის ელჩს მოსკოვიდან გაიწვევს, ხოლო რუსეთის ელჩი ლატვიაში მიიღებს ბრძანებას, დატოვოს ქვეყანა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,