ამ ეტაპზე, სახელმწიფო ბიუჯეტის ცვლილების საჭიროება არ არსებობს, - განაცხადა ფინანსთა მინისტრმა, ლაშა ხუციშვილმა დღეს გამართულ ბრიფინგზე.
 
მისი თქმით, შექმნილი გეოპოლიტიკური მდგომარეობიდან გამომდინარე, რთულია პროგნოზების გაკეთება არა მხოლოდ საქართველოსთვის, არამედ დანარჩენი მსოფლიოსთვის. 
 
„მოცემულობა, რომელშიც ქვეყანა ამჟამად იმყოფება, არსებითად განსხვავებულია იმისგან, რაც გასული წლის ბოლოს იყო, როდესაც 2022 წლის ბიუჯეტი დაიგეგმა. იცით, რომ მიმდინარე წლის 2 თვის ეკონომიკურმა ზრდამ, 16.3% შეადგინა, თუმცა, უკრაინაში არსებული საომარი მდგომარეობა მსოფლიო ეკონომიკაზე მნიშვნელოვან გავლენას იქონიებს. აქედან გამომდინარე, მნიშვნელოვანია ჩვენ გვქონდეს უფრო მეტი ინფორმაცია და მეტი სიცხადე გეოპოლიტიკურ ვითარებასთან დაკავშირებით. ბუნებრივია, როდესაც ვსაუბრობთ ბიუჯეტზე, წლიურ დოკუმენტზე, მნიშვნელოვანია, რომ გვქონდეს გრძელვადიანი ხედვა. არა ერთი ან ორი თვის განმავლობაში, არამედ მაგალითად, ექვსთვიან ჭრილში როგორ განვითარდება გეოპოლიტიკური მდგომარეობა ჩვენს რეგიონში. ბუნებრივია, გარკვეული ცვლილებების საჭიროება შესაძლებელია დადგეს. თუმცა, ამ ეტაპზე, ამის თქმის აუცილებლობა არ გვაქვს, იქიდან გამომდინარე, რომ გაურკვევლობა არის საკმაოდ მაღალი. ვფიქრობ, რომ ეს საკითხი შეიძლება დღის წესრიგში დადგეს უკვე წლის მეორე ნახევარში და შესაძლოა ვიმსჯელოთ ბიუჯეტში წარმოდგენილი პარამეტრების ცვლილებაზე. თუმცა, ამ ეტაპზე, ბიუჯეტის ცვლილების საჭიროება არ არსებობს", - განაცხადა ფინანსთა მინისტრმა,  ლაშა ხუციშვილმა.

ავტორი: NS (სტატია დაფინანსებულია),

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა