რუსებმა ჩერნობილის ატომური ელექტროსადგური გაძარცვეს - მოპარულია, ყავის მადუღარა და ჩაიდანი

2022-04-01 10:43:37, 718 ნახვა

მსოფლიო

ჩერნობილის ატომური ელექტროსადგურის ტერიტორიის დატოვებამდე, რუსმა სამხედროებმა ელექტროსადგურიდან ნივთები მოიპარეს, - კერძოდ, ჩაიდანები, ყავის მადუღარა და კომპიუტერები. - ამის შესახებ უკრაინის სახელმწიფო სააგენტოს ხელმძღვანელმა ევგენ კრამარენკომ განაცხადა.

მისი თქმით, რამდენადაც უკრაინულმა მხარემ იცის, ოკუპანტებმა ჩერნობილის ატომური ელექტროსადგურის ტერიტორიაზე არაფერი დატოვეს.

"მათ დაიწყეს ძვირფასი ნივთების ჩალაგება აღჭურვილობაში, მოიპარეს მეტ-ნაკლებად ძვირფასი ნივთები - კომპიუტერები, ყავის მადუღარა, ქვაბები და რამდენიმე კონტეინერი. ნივთები, რომელიც ჩერნობილის ატომურ ელექტროსადგურში იყო, მათ მანქანებში ჩატვირთეს და წაიღეს“, - თქვა ოფიციალურმა წარმომადგენელმა.

კრამარენკომ დასძინა, რომ დამპყრობლებმა ატომური ელექტროსადგურის თანამშრომლებს სამუშაოს დატოვება აუკრძალეს.

"თანამშრომლები ძალიან ფრთხილად მოძრაობდნენ ჩერნობილის ატომური ელექტროსადგურის ტერიტორიაზე, რადგან შიშობდნენ, რომ შესაძლოა რუსებს ასაფეთქებელი მოწყობილობები დაეტოვებინათ." - განაცხადა მან.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,