ვლადიმერ პუტინმა ხელი მოაწერა განკარგულებას, რომლითაც „არამეგობრულ ქვეყნებს“ გაზს მხოლოდ რუბლში მიყიდის

2022-03-31 17:47:27, 1053 ნახვა

მსოფლიო

რუსეთის პრეზიდენტმა ვლადიმერ პუტინმა ხელი მოაწერა განკარგულებას არამეგობრულ ქვეყნებთან რუსული გაზის საფასურის რუბლით გადახდაზე.

„ასეთი არამეგობრული ქვეყნების კონტრაქტორებს ვთავაზობთ მკაფიო და გამჭვირვალე სქემას. რუსული ბუნებრივი აირის შესაძენად მათ უნდა გახსნან რუბლის ანგარიში რუსულ ბანკებში. სწორედ ამ ანგარიშებიდან მოხდება 1 აპრილიდან მიწოდებული გაზის საფასურის გადახდა“, - განაცხადა ვლადიმერ პუტინმა.

მანამდე, ვლადიმირ პუტინი გამოვიდა ინიციატივით, არამეგობრული ქვეყნებისთვის რუსეთს გაზი რუბლებში მიეყიდა.

G7-ის ქვეყნებმა - გერმანიამ, დიდი ბრიტანეთმა, იტალიამ, საფრანგეთმა, აშშ-მა, კანადამ და იაპონიამ - განაცხადეს, რომ გაზის საფასური რუბლით არ გადაიხდიან.

კრემლის სპიკერის დიმიტრი პესკოვის თქმით, რუსეთი არ აპირებს ქველმოქმედებას: თუ რუბლით გადახდა არ იქნება, მაშინ დასავლეთისთვის გაზი არ იქნება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,