იენს სტოლტენბერგი - რუსული ჯარები უკრაინიდან კი არ გადიან, არამედ გადაჯგუფდებიან

2022-03-31 17:35:39, 785 ნახვა

მსოფლიო

რუსული ჯარები უკრაინიდან კი არ გადიან, არამედ გადაჯგუფდებიან, - ამის შესახებ ნატო-ს გენერალურმა მდივანმა, იენს სტოლტენბერგმა განაცხადა.

როგორც სტოლტენბერგმა აღნიშნა, ნატო ჯერ კიდევ არ არის დარწმუნებული, რომ რუსეთი კეთილსინდისიერად აწარმოებდა მოლაპარაკებებს სტამბოლში გამართულ დიალოგზე, რადგან მოსკოვის სამხედრო მიზანი უკრაინაში შეჭრის დაწყების შემდეგ არ შეცვლილა.

„ჩვენი დაზვერვის თანახმად, რუსული ქვედანაყოფები უკან კი არ იხევენ, არამედ განლაგდებიან. რუსეთი ცდილობს გადაჯგუფდეს, განაახლოს და გააძლიეროს შეტევა დონბასის რეგიონში", - დასძინა სტოლტენბერგმა.

მოსკოვი აცხადებს, რომ ახლა ყურადღებას ამახვილებს დონბასის რეგიონის „გათავისუფლებაზე", რაზეც სტოლტენბერგი ამბობს, რომ მოსალოდნელია რუსეთის მხრიდან უკრაინის ტერიტორიებზე დამატებითი შეტევა, რაც უფრო მეტ ზიანს მოიტანს.

ნატო-ს გენერალურმა მდივანმა დასძინა, რომ ალიანსი გააგრძელებს უკრაინისთვის იარაღის მიწოდებას მანამ, სანამ ეს საჭირო იქნება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,