უკრაინის გენპროკურორი - მარიუპოლში რუსი ოკუპანტების დანაშაულები შესაძლოა გენოციდად შეფასდეს

2022-03-28 18:28:00, 1053 ნახვა

მსოფლიო

უკრაინის გენერალური პროკურორი, ირინა ვენედიქტოვა არ გამორიცხავს, რომ მარიუპოლში ოკუპანტების დანაშაული გენოციდად კვალიფიცირდეს. - ამის შესახებ მან ბრიფინგზე განაცხადა.

„ის, რაც მარიუპოლში ხდება, აღარ არის ომის დანაშაულები... ომს აქვს წესები, მაგრამ აქ არ არის წესები. მე ამას ვუყურებ გენოციდის კვალიფიკაციის ამაღლების შესაძლებლობის კუთხით, როცა მთელი ქალაქი მძევლად არის აყვნილი, სადაც ხალხი წყლის, საჭმლის და გათბობის გარეშეა. იქ, სადაც გასასვლელი არ არის და ესვრიან კოლონებს, რომლებიც ცდილობენ ქალაქის დატოვებას“, - თქვა მან.

გენერალურმა პროკურორმა ხაზგასმით აღნიშნა, რომ მარიუპოლიდან გააძევეს მოზარდები და ბავშვები, ამასთან დაკავშირებით, სამართალდამცავებმა დეპორტაციის ორი საქმე გახსნეს.

”მარიუპოლიდან ორ ათასზე მეტი ბავშვი იყო დეპორტირებული. რას ნიშნავს ეს? ეს მხოლოდ ომის დანაშაულია? “, - დასძინა ვენედიქტოვამ.

მან ხაზგასმით აღნიშნა, რომ რუსეთის პრეზიდენტს ვლადიმერ პუტინს სურს გაანადგუროს უკრაინა, როგორც სახელმწიფო და უკრაინელი ხალხი, როგორც ერი.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,