2022-03-15 14:47:00, 694 ნახვა

---

რომან გოცირიძე - „ოცნებამ“ დაიწყო კუდიანებზე ნადირობა, მთავარ კუდიანად დანიშნა ზურაბიშვილი, პატარ-პატარა ეშმაკებად ოპოზიცია

„ქართულმა ოცნებამ“ კუდიანებზე ნადირობა გამოაცხადა - მთავარ კუდიანად დანიშნა სალომე ზურაბიშვილი, პატარ-პატარა ეშმაკებად ოპოზიციის წარმომადგენლები, - ამის შესახებ „ნაციონალური მოძრაობის“ ერთ-ერთმა წევრმა, რომან გოცირიძემ განაცხადა.

როგორც გოცირიძემ აღნიშნა, „ქართულმა ოცნებამ“ და პირადად ბიძინა ივანიშვილმა სალომე ზურაბიშვილს არ აპატია პარლამენტში გაკეთებული გუშინდელი განცხადებები და დარბაზში უკრაინის ელჩის წარმომადგენელთან ერთად შესვლა.

„ქართული ოცნების“ პოლიტსაბჭოს დღევანდელი გადაწყვეტილება არის ანტიდასავლური, ანტიუკრაინული. სალომე ზურაბიშვილს არ აპიტიეს ის, რომ მან სიმბოლურად პარლამენტის დარბაზში შემოიყვანა უკრაინის ელჩი და ამისთვის სჯიან. ფაქტობრივად, „ქართულმა ოცნებამ“ გამოაცხადა კუდიანებზე ნადირობა - მთავარ კუდიანად დანიშნა სალომე ზურაბიშვილი, ხოლო პატარ-პატარა ეშმაკებად ოპოზიციის წარმომადგენლები. პირადად, ბიძინა ივანიშვილმა არ აპატია განცხადება, რომელიც სალომე ზურაბიშვილმა გუშინ გააკეთა, რომ პარტია იმართება პოლიტიკური ინტერესებით და არა კანონის შესაბამისად“, - განაცხადა რომან გოცირიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი