უკრაინის პრეზიდენტის აპარატის უფროსის მრჩეველმა, მიხაილო პოდოლიაკიმ განაცხადა, რომ უკრაინასა და რუსეთს შორის მოლაპარაკებების მესამე რაუნდი შესაძლოა, 5 ან 6 მარტს ჩატარდეს.

როგორც UNIAN იუწყება, ამის შესახებ პოდოლიაკიმ დღეს, ლვოვში გამართულ პრესკონფერენციაზე განაცხადა.

მისი განმარტებით, მოლაპარაკებების ბელორუსში გამართვის მიზეზია ის, რომ რუსული მხარე სხვა შუამავლ ქვეყნებზე უარს ამბობს.

„შესაძლოა, მოგვიანებით იყოს სხვა ქვეყანა... - თურქეთი ან უნგრეთი, ან პოლონეთი, მაგალითად... იმიტომ, რომ ბელორუსი გამოიყენება, როგორც პლაცდარმი ჩვენს ქალაქებზე თავდასხმისთვის“, - აღნიშნა მიხაილო პოდოლიაკიმ.

მან ასევე, ხაზგასმით აღნიშნა, რომ ჯერჯერობით, არ არსებობს მოლაპარაკებების შედეგების საბოლოო დოკუმენტი იმის გამო, რომ რუსეთმა არ შეაფასა უკრაინის პრეზიდენტი და მთლიანად ქვეყანა და გადააჭარბა მოლოდინებს თავის მიმართ.

"ჩვენ საერთოდ არ ვენდობით რუსეთის ფედერაციას, ამიტომ გვსურს გვყავდეს პასუხისმგებელი საერთაშორისო შუამავალი. ჩვენ მივყვებით სამართლებრივ პროცედურას და გამოვასწორებთ ნებისმიერ დარღვევას", - დასძინა პრეზიდენტის ადმინისტრაციის თავმჯდომარის მრჩეველმა.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა