2022-03-03 13:12:13, 823 ნახვა
პოლიტიკა
მაიკლ გალერი საქართველოს ევროკავშირის წევრობის განაცხადზე - მაშინ, მოიქეცით ევროპულად
კარგი, მაშინ მოიქეცით ევროპულად, - ასე ეხმაურება ევროპარლამენტარი მაიკლ გალერი საქართველოს ხელისუფლების გადაწყვეტილებას, ქვეყნის ევროკავშირის წევრობაზე განაცხადის წარდგენასთან დაკავშირებით.
აღნიშნულის შესახებ მაიკლ გალერმა საქართველოს უმრავლესობის წევრის, მაკა ბოჭორიშვილის სოციალური ქსელის პოსტის კომენტარში დაწერა.
„კარგი, მაშინ მოიქეცით ასევე ევროპულად პოლიტიკის შემუშავებისას - და ეს გზავნილი მიმართულია ყველა შესაბამისი დაინტერესებული მხარისკენ“, - წერს ევროპარლამენტარი.
შეგახსენებთ, რომ გუშინ „ქართული ოცნების" თავმჯდომარემ, ირაკლი კობახიძემ განაცხადა, რომ ევროკავშირის წევრობის კანდიდადის სტატუსის მისაღებად საქართველო განაცხადს დაუყოვნებლივ წარადგენს.
ავტორი: ექსპრესნიუსი,
epn.ge (@expressnews.ge)
