2022-02-28 15:45:59, 764 ნახვა

---

ANONYMOUS-მა რუსეთის ბირთვული ინსტიტუტის მონაცემთა ბაზაზე წვდომა მოიპოვა და 40 000 ფაილი გაავრცელა

მსოფლიოს უდიდესმა ჰაკერების გაერთიანებამ, Anonymous-მა მოპოვა რუსეთის ბირთვული უსაფრთხოების ინსტიტუტის მონაცემთა ბაზაზე წვდომა და 40 000 ფაილი გაავრცელა. 

ანონიმუსის 65-ე ბატალიონი ტვიტერზე წერს, რომ მათ არ გააჩნიათ ამ რაოდენობის მასალის თარგმნისათვის საჭირო რესურსები და თარჯიმნის დახმარებას ითხოვენ.

შეგახსენებთ,  უდიდესმა ჰაკერულმა დაჯგუფებამ Anonymous-მა უკრაინაში შეჭრის გამო, 25 თებერვალს, რუსეთის მთავრობას ომი გამოუცხადა.

მათ მოიპოეს და გაავრცელეს დაახლოებით 200 გიგაბაიტის მოცულობის ელექტრონული მეილები ბელარუსის იარაღის მწარმოებელი Tetraedr-სგან. ისინი რუსეთის პრეზიდენტს ვლადიმერ პუტინს მიმართავენ და აფრთხილებენ, რომ თუ რუსეთი უკრაინის ტერიტორიაზე სამხედრო აგრესიას არ შეწყვეტს, მაშინ სახელმწიფო ვებსაიტების დაჰაკვას განაგრძობენ.

მანამდე კი, ჰაკერულმა დაჯგუფებამ რუსეთის თავდაცვის სამინისტროს ვებგვერდი, Russia Today და გაზპრომის გვერდები გათიშეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი