2022-02-22 10:49:58, 516 ნახვა
პოლიტიკა
საგარეო უწყება უკრაინაში ქართველ დიპლომატებს რეკომენდაციას აძლევს, კიევიდან ოჯახის წევრები გამოიყვანონ
საქართველოს საგარეო საქმეთა სამინისტრო უკრაინაში საქართველოს საელჩოს თანამშრომლებს მიმართავს რეკომენდაციით, სურვილის შემთხვევაში, კიევიდან ოჯახის წევრების გამოყვანის შესახებ გადაწყვეტილება მიიღონ.
როგორც „ექსპრესნიუსს“ საგარეო საქმეთა სამინისტროში განუცხადეს, უკრაინაში საქართელოს დიპლომატიური მისიის ხელმძღვანელი და თანამშრომლები ადგილზე რჩებიან.
„უკრაინაში საქართველოს დიპლომატიური მისიის ხელმძღვანელი და თანამშრომლები რჩებიან ადგილზე. ქართველ დიპლომატებს მხოლოდ მიეცათ რეკომენდაცია სურვილის შემთხვევაში მიიღონ გადაწყვეტილება ოჯახის წევრების გამოყვანის შესახებ“, - აცხადებენ უწყებაში.
ავტორი: ექსპრესნიუსი,
epn.ge (@expressnews.ge)
