2022-02-09 16:24:54, 764 ნახვა
პოლიტიკა
ოკუპირებული აფხაზეთი გაერო-სგან დამკვირვებელი სახელმწიფოს სტატუსს ითხოვს
დე ფაქტო აფხაზეთი გაერო-სგან დამკვირვებელი სახელმწიფოს სტატუსს ითხოვს.
რუსული მედიის მიერ გავრცელებული ინფორმაციით, ოკუპირებული აფხაზეთის ე.წ. საგარეო საქმეთა მინისტრმა, ინალ არძინბამ გაერო-ს ასოციაციების მსოფლიო ფედერაციის ვიცე-პრეზიდენტს, მიმართვა გაუგზავნა.
შეტყობინება აფხაზეთისთვის „დამკვირვებლის სტატუსის“ მინიჭებას უკავშირდება, რომელიც შეზღუდული სახით, გაეროს გენერალური ასამბლეის მუშაობაში მონაწილეობის მიღებას გულისხმობს.
მიმართვა რუსეთის გაერო-ს ასოციაციის თავმჯდომარის პირველი მოადგილის, ალექსეი ბორისოვის შუამავლობით გაიგზავნა, რომელთა შეხვედრაც მოსკოვში, 9 თებერვალს გაიმართა.
ავტორი: ექსპრესნიუსი,
epn.ge (@expressnews.ge)
