„წლების შემდეგ არავის გაახსენდება „ქართული ოცნება“, მხოლოდ ეს რეზოლუცია იქნება აღბეჭდილი, ვფიქრობ, როდესაც საქართველოს ღირსებაზე და უსაფრთხოებაზე ვსაუბრობთ, ძალიან მნიშვნელოვანია, ჩვენგან ერთობლივი ტექსტი წამოვიდეს“, - ამის შესახებ „ნაციონალური მოძრაობის“ წევრმა, ხატია დეკანოიძემ პარლამენტში განაცხადა.

დეკანოიძემ შესთავაზა საპარლამენტო უმრავლესობას, მიუხედავად სერიოზული განსხვავებებისა, რეზოლუცია საერთო შეთანხმებით წარმოადგინონ. 

„ვფიქრობ, კითხვის დასმას რატომ არ ჩაწერეთ რეზოლუციაში რუსეთის აგრესია და რატომ გადაკეთდა შეთანხმებული დოკუმენტი, ამას აზრი არ აქვს, რადგან, მიუხედავად იმისა, რომ უმრავლესობის პოზიცია ასეთია, თქვენ გეტყობათ და „ქართული ოცნებიდან“ ძალიან ბევრ წარმომადგენელს, რომ ეს რეზოლუციის ტექსტი არ მოსწონთ. გულწრფელად ჩემი დაკვირვებაა და არამხოლოდ ჩემი. საჯაროდ მინდა მივმართო უმრავლესობას, შევათანხმოთ ეს ტექსტი, ვიმუშაოთ ამ ტექსტზე კიდევ რაღაც დროის განმავლობაში, ვიცი, რომ ხვალაც სხდომაა და მივიღოთ ერთობლივი რეზოლუციის ტექსტი. ბ-ნო გიორგი ეს რეზოლუციის ტექსტი დარჩება, მხოლოდ ერთი პარტიის მიერ მიღებულ რეზოლუციის ტექსტად - ეს არის ძალიან მნიშვნელოვანი. წლების შემდეგ არავის გაახსენდება „ქართული ოცნება“, მხოლოდ და მხოლოდ ეს რეზოლუცია იქნება აღბეჭდილი, ამიტომ, ვფიქრობ, როდესაც საქართველოს ღირსებაზე და უსაფრთხოებაზე ვსაუბრობთ, ძალიან მნიშვნელოვანია, ჩვენგან ერთობლივი ტექსტი წამოვიდეს. მიუხედავად აქ შეურაცხმყოფელი განცხადებებისა და სერიოზული განსხვავებებისა, მაინც ვფიქრობ და გთავაზობთ, კიდევ ერთხლ, რომ რეზოლუციის ტექსტი შეთანხმდეს და ისე დავაყენოთ კენჭისყრაზე“, - აღნიშნა ხატია დეკანოიძემ.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი