2022-02-01 09:34:20, 501 ნახვა
პოლიტიკა
საქართველოს პარლამენტის საგაზაფხულო სესია დღეს გაიხსნება
საქართველოს პარლამენტის საგაზაფხულო სესია დღეს გაიხსნება. რეგლამენტის თანახმად, საგაზაფხულო სესია, თებერვლის პირველ სამშაბათს იხსნება.
პირველ სხდომაზე რიგ საკითხებზე, რომლებიც დეპუტატებმა საშემოდგომო სესიის პერიოდში განიხილეს, კენჭისყრის პროცედურა გაიმართება.
მიმდინარე კვირაში დეპუტატები ცესკო–ს თავმჯდომარესა და კომისიის 2 წევრს აირჩევენ. პრეზიდენტის მიერ პარლამენტში წარდგენილია აღნიშნულ ვაკანტურ თანამდებობაზე თენგიზ თევზაძისა და გიორგი კალანდარიშვილის კანდიდატურები, ხოლო კომისიის წევრის 2 ვაკანტურ თანამდეობაზე – ქრისტინე ქაჯაიას, ლევან ისაკაის, მაია ზარიძის და გია ცაცაშვილის კანდიდატურები.
ავტორი: ექსპრესნიუსი,
epn.ge (@expressnews.ge)
