2022-01-31 11:24:37, 530 ნახვა
პოლიტიკა
ბათუმის მერიაში, სადაც ოპოზიციონერ დეპუტატებს სხდომათა დარბაზი დაატოვებინეს, ხმაური და დაპირისპირებაა
ბათუმის მერიაში ხმაური და დაპირისპირებაა. საკრებულოს ოპოზიციონერ დეპუტატებს სამართალდამცველებმა სხდომათა დარბაზი ძალის გამოყენებით დაატოვებინეს.
როგორც დეპუტატები ახადებენ, ისინი სხდომათა დარბაზში ისხდნენ და ბათუმის მერს, არჩილ ჩიქოვანს ელოდებოდნენ, რა დროსაც მათთან პოლიცია მივიდა და არგუმენტის გარეშე, დარბაზიდან გაიყვანა.
„ამოვიდა პოლიცია, არანაირი არგუმენტის გარეშე, მოკიდა საკრებულოს წევრებს ხელი და დაიწყო მათი გათრევა“, - განაცხადა საკრებულოს ოპოზიციონერმა წევრმა.
ადგილზე სამართალდამცველები არიან მობილიზებულნი. ოპოზიციონერი დეპუტატები მერთან შეხვედრას ითხოვენ, თუმცა პოლიცია მათ შენობაში შესვლის საშუალებას არ აძლევს.
ავტორი: ექსპრესნიუსი,
epn.ge (@expressnews.ge)
