საპარლამენტო უმრავლესობის წევრი ანრი ოხანაშვილი აცხადებს, რომ უკრაინის მხარდამჭერი რეზოლუციის თანაინიცირებაზე ოპოზიციის მხრიდან უარი „წინასწარ დაგეგმილი პროვოკაციული კამპანიაა“.

როგორც ანრი ოხანაშვილმა აღნიშნა, რეზოლუციის ტექსტში ჩადებულია მხარდაჭერა უკრაინის მიმართ და საუბარია იმაზე, რომ საქართველო გმობს რაიმე ტიპის ესკალაციას.

„მხარდაჭერა ჩადებულია რეზოლუციის ტექსტში, უკვე არის საუბარი იმაზე, რომ ჩვენ უნდა დავგმოთ, რომ დაუშვებელია რაიმე ტიპის ესკალაცია, ეს არის ამ ტექსტში. თუ სხვა ინტერესები ამოძრავებთ, ვფიქრობ, რომ ეს იყო წინასწარ დაგეგმილი პროვოკაციული კამპანია, რომელიც ორიენტირებული იყო არა მართლა იმაზე, რომ ჰქონდა ვინმეს ინტერესი რეზოლუციის მიღების და არა იმ ინტერესზე, რომ მართლაც ჩვენ უკრაინელი ხალხისთვის ერთობლივად გამოგვეცხადებინა სოლიდარობა, არამედ სხვა პიარ კამპანიაზე გათვლილი სტრატეგია“, - განაცხადა ანრი ოხანაშვილმა.

ცნობისთვის, გუშინ პარტია „ქართულმა ოცნებამ“ უკრაინაში შესაძლო სამხედრო ესკალაციის შესახებ საქართველოს პარლამენტის რეზოლუციის პროექტი წარადგინა, თუმცა მმართველი გუნდის გარდა, აღნიშნულ რეზოლუციას არც ერთი საპარლამენტო ჯგუფი ხელს არ აწერს. 

ავტორი: ექსპრესნიუსი,

სოციალური ქსელები

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა

პოლონეთის შს მინისტრმა განაცხადა, რომ კრაკოვში მასობრივი სროლაში ეჭვმიტანილს რადიკალური მემერჯვენე შეხედულებები აქვს

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა