პარტია ,,დროა''  უკრაინის მხარდაჭერასთან დაკავშირებით განცხადებას ავრცელებს და მიიჩნევს, რომ უკრაინა ზუსტად იმ საფრთხის წინაშე დგას, რაც 2008 წელს საქართველოს დაემუქრა.

პარტია განცხადებაში იმ მიზეზებზე საუბრობს თუ რატომ არის მნისვნელოვანი უკრაინის სახელმწიფოს თანადგომა.

"ჩვენი ქვეყნების უახლესი ისტორიის მსგავსების გამო, დღეს საქართველოს მომავალიც უკრაინაში წყდება ისევე, როგორც უკრაინის მომავალი წყდებოდა საქართველოში 2008 წელს;
უკრაინა არის საქართველოს გულშემატკივარი ერი, რომელიც აფხაზეთის ომშიც საქართველოს მხარდამხარ იბრძოდა და რომელიც საქართველოს მხრიდან უანგარო მხარდაჭერას იმსახურებს;
უკრაინის საკითხი დასავლეთის აღქმით გასცდა უკრაინის ეროვნულ ინტერესებს. სულ უფრო ხმამაღლა ისმის ამერიკელი და ევროპელი თანამდებობების პირების მოსაზრებები, რომ უკრაინის საკითხზე რუსეთთან კომპრომისი იგივეა, რაც ბერლინის კედლის აღდგენა ევროპაში;
ამ ყველაფრიდან გამომდინარე, უკრაინის საკითხთან ბმა დღეს პირდაპირ განაპირობებს საქართველოს საკითხის აქტუალობასაც ნატოსა და ევროკავშირში;
დაბოლოს, უკრაინა, როგორც შავი ზღვის აუზის სახელმწიფო, ფიზიკურადაც არის საქართველოს სტრატეგიული ბმა ევროპასთან." - ნათქვამია პარტიის განცხადებაში.

დროა აღნიშნავს რომ მაშინ როდესაც რუსეთი კიდევ ერთხელ გადაწყვეტს საქართველოს წინააღმდეგ ძალის გამოყენებას, გულშემატკივართა რიგებში  არც დასავლეთი და არც უკრაინა აღარ იქნება.

"მნიშვნელოვანია გავაცნობიეროთ, რომ უკრაინისგან დისტანცირებას საქართველოსთვის არ მოაქვს მშვიდობა, იგი უბრალოდ გვაცხოვრებს დროებითი მშვიდობის ილუზიაში. რეალურად კი დღეს ჩვენი სიჩუმე უკრაინის საკითხზე და ჩვენი დემოკრატიული ინსტიტუტების შესუსტება ნიშნავს იმას, რომ ხვალ, როდესაც რუსეთი კიდევ ერთხელ გადაწყვეტს საქართველოს წინააღმდეგ ძალის გამოყენებას, ჩვენს გულშემატკივართა რიგებში არ იქნება არც დასავლეთი და არც უკრაინა და ჩვენ, როგორც არაერთხელ ჩვენს ისტორიაში, ისევ მარტო დავრჩებით რუსული ოკუპაციის წინაშე.

პარტია „დროა,“ როგორც დემოკრატიული და ევროატლანტიკური იდეალების ერთგული ძალა, მიიჩნევს, რომ საქართველოს მთავრობის მხრიდან ურთიერთობის დაზიანება ჩვენს დასავლელ პარტნიორებთან და უკრაინასთან, საქართველოს რუსულ ორბიტაზე აბრუნებს. რთული წარმოსადგენია, მთავრობის წევრები ამას ვერ აცნობიერებდნენ. შესაბამისად, ჩნდება საფუძვლიანი ეჭვი, რომ აღნიშნული ქმედებები „ქართული ოცნების“ მხრიდან მიზანმიმართულად ხორციელდება. თუმცა საქართველოს მთავრობის პასიურობა არ უნდა ნიშნავდეს იმას, რომ ქართველმა ხალხმა ვერ გამოხატოს თავისი სოლიდარობა მოძმე უკრაინის მიმართ და ვერ მიაწვდინოს თავისი ხმა ჩვენს დასავლელ პარტნიორებს.

ამიტომ აუცილებელია, უკრაინას სახელმწიფო და ჰუმანიტარულ დონეზე ყოველმხრივ დავუდგეთ გვერდით. „დროა“ სამოქალაქო საზოგადოებასთან და სხვა პროდასავლურ პარტიებთან ერთად აქტიურად იმუშავებს რუსეთის აგრესიის წინააღმდეგ უკრაინის მხარდასაჭერად და უკრაინასთან ბმაში საქართველოს ეროვნული ინტერესების კვლავ წამოსაწევად საერთაშორისო მასშტაბით", - ნათქვამია პარტიის განცხადებაში.

ავტორი: ექსპრესნიუსი,

სოციალური ქსელები

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა

პოლონეთის შს მინისტრმა განაცხადა, რომ კრაკოვში მასობრივი სროლაში ეჭვმიტანილს რადიკალური მემერჯვენე შეხედულებები აქვს

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა