2021-11-20 10:18:47, 840 ნახვა
პოლიტიკა
ჯინ შაჰინი - მივესალმები სააკაშვილის სამხედრო ჰოსპიტალში გადაყვანას და შიმშილობის შეწყვეტას
ამერიკელი სენატორი ჯინ შაჰინი საქართველოს ყოფილი პრეზიდენტის, მიხეილ სააკაშვილის სამხედრო ჰოსპიტალში გადაყვანას და მის მიერ შიმშილობის შეწყვეტას მიესალმება.
ამის შესახებ სენატორმა "ტვიტერზე" დაწერა.
„მივესალმები ინფორმაციას საქართველოს ყოფილი პრეზიდენტის, სააკაშვილის სამხედრო ჰოსპიტალში გადაყვანას და მის მიერ შიმშილობის შეწყვეტას,“- წერს სენატორი „ტვიტერში“.
ამასთან სენატორი აზიარებს განცხადების ტექსტს, რომელსაც მასთან ერთად ხელს აწერენ სენატორები : ჯიმ რიში, ბენ კარდინი და რონ ჯონსონი და სადაც სენატორები საქართველოს ხელისუფლებას მოუწოდებენ, გაითვალისწინოს მიხეილ სააკაშვილის მდგომარეობის სერიოზულობა და მისი შედეგები საქართველოს პოლიტიკურ სტაბილურობაზე.
ავტორი: ექსპრესნიუსი,
epn.ge (@expressnews.ge)
