2021-11-19 16:00:17, 775 ნახვა
პოლიტიკა
ხატია დეკანოიძე - ჩვენ არ გავმართავთ პროტესტს იმ კლინიკასთან, სადაც მიხეილ სააკაშვილს გადაიყვანენ
„ნაციონალური მოძრაობის“ წევრი ხატია დეკანოიძე აცხადებს, რომ ოპოზიცია არ გამართავს არავითარ შემთხვევაში პროტესტს იმ კლინიკასთან, სადაც მიხეილ სააკაშვილს გადაიყვანენ.
მისი თქმით, ახლა მთავარია, რომ გორის სამხედრო ჰოსპიტალი აკმაყოფილებდეს ყველა საჭირო მოთხოვნას.
„მე ვფიქრობ, რომ ნაწილობრივ არის გამოსავალი. მთავარია, ახლა გადარჩეს და მთავარია, გორის კლინიკა აკმაყოფილებდეს ყველა იმ საჭირო მოთხოვნებს ექიმების მიერ. ეს არის მნიშვნელოვანი. ჩვენ არ გავმართავთ პროტესტს არავითარ შემთხვევაში სამოქალაქო კლინიკასთან, ეს არის ჩვენი პასუხისმგებლობა, რომელიც ავიღეთ“, - განაცხადა დეკანოიძემ.
ავტორი: ექსპრესნიუსი,
epn.ge (@expressnews.ge)
