უკრაინის სახალხო დამცველი ლუდმილა დენისოვა საქართველოს იუსტიციის სამინისტროსა და პენიტენციური სამსახურის მიერ საქართველოს მესამე პრეზიდენტის, მიხეილ სააკაშვილის სასჯელაღსრულების მე–18 სამკურნალო დაწესებულებაში შეყვანის კადრების გასაჯაროებას ეხმაურება.

როგორც უკრაინის ომბუდსმენი აღნიშნავს, ვიდეოჩანაწერი ადასტურებს წამებასა და არაადამიანურ მოპყრობას, შეურაცხყოფას, რაც ადამიანის უფლებათა და ფუნდამენტური თავისუფლებათა დაცვის კონვენციის მე–3 მუხლის უხეში დარღვევაა.

მისივე თქმით, საქართველოს პენიტენციურმა სამსახურმა დაარღვია სამოქალაქო და პოლიტიკური უფლებების საერთაშორისო პაქტის მე–7 მუხლი და გაერთოს კონვენციის პირველი მუხლები, სადაც წამებისა და სხვა სასტიკი, არაადამიანურ მოქცევაზე და ღირსების დამცირებაზეა საუბარი.

უკრაინის ომბუდსმენი მოუწოდებს გაერთოს წამების კომიტეტს და წამების პრევენციის ევროპულ კომიტეტს, მოახდინოს რეაგირება უკრაინის მოქალაქე, მიხეილ სააკაშვილზე განხორციელებული არაადამიანური მოპყრობის ფაქტებზე.

ამასთანავე, ომბუდსმენი მიმართავს საქართველოს სახალხო დამცველს, ნინო ლომჯარიას, რომ საფუძვლიანად გამოიძისო სპეციალური პენიტენციური სამსახურის თანამშრომლების მიერ სააკაშვილის პირადი უსაფრთხოება და წარმებისგან დაცვის გარემოებები.

უკრაინის ომბუდსმენი მოუწოდებს საქართველოს ხელისუფლებას, სასწრაფოდ გადაიყვანონ მიხეილ სააკაშვილი სამოქალაქო კლინიკაში, რომელიც აკმაყოფილებს სამედიცინო დახმარების სტანდარტებს ექიმთა კონსილიუმისა და ყველა რეკომენდაციის გათვალისწინებით. 

ავტორი: ექსპრესნიუსი,

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია