"ნაციონალური მოძრაობის" თავმჯდომარე ნიკა მელია აცხადებს, რომ აშშ–ის სახელმწიფო დეპარტამენტის წარმომადგენელთან შეხვედრაზე საუბარი იყო პერსონალურ სანქციებზე.

მისივე თქმით, სანქციები არ ნიშნავს, რომ საპროტესტო მოძრაობა უნდა შენელდეს, პირიქით, მელიას თქმით, პროტესტი უნდა გაგრძელდეს სხვადასხვა ფორმითა და შინაარსით. 

"პერსონალურ სანქციებზე, რა თქმა უნდა, იყო საუბარი ჩემი და მეგობრების მხრიდან. ვამბობ იმ დოზით, რამდენადაც შემიძლია – ასე გააგრძელებს და, როგორც ჩანს, გააგრძელებს ბიძინა ივანიშვილი, რა თქმა უნდა, მე ღრმად ვარ დარწმუნებული, ვერ ასცდება იმ მკაცრ სასჯელს, რომელსაც სანქციას ვუწოდებთ. მაგრამ ეს იმას არ ნიშნავს, რომ მძლავრი საპროტესტო მოძრაობა უნდა შენელდეს, პირიქით, ყოველდღე მძლავრი საპროტესტო მოძრაობა გაგრძელდება, სხვადასხვა საპროტესტო აქციით, სხვადასხვა შინაარსის, სხვადასხვა ფორმის, დღეში რამდენიმეჯერ, მანამ, სანამ არ დაბრუნდება მიტაცებული სახელმწიფო, არ დაბრუნდება მოპარული არჩევნები და პირველ ეტაპზე მიხეილ სააკაშვილის ფიზიკური უსაფრთხოება არ იქნება უზრუნველყოფილი, მათ შორის, ელენე ხოშტარიას ჯანმრთელობის მდგომარეობაც არ იქნება უზრუნველყოფილი. არ არის სახუმარო ვითარება ამ ორ ადამიანთან მიმართებით. ამაზეც გვქონდა კონკრეტული საუბარი.

ავტორი: ექსპრესნიუსი,

სოციალური ქსელები

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ

ისრაელის პრეზიდენტმა გადი აიზენკოტს დაავალა მთავრობის ფორმირება