2021-11-08 11:03:35, 606 ნახვა
პოლიტიკა
ირაკლი კობახიძე - მიხეილ სააკაშვილი არის „ფეიკი“ და მისი შიმშილობაც „ფეიკი“ აღმოჩნდა
მიხეილ სააკაშვილის შიმშილი „ფეიკი“ აღმოჩნდა. - ამის შესახებ „ქართული ოცნება-დემოკრატიული საქართველოს“ თავმჯდომარემ, ირაკლი კობახიძემ განაცხადა.
როგორც კობახიძემ აღნიშნა, საკითხთან დაკავშირებით მაღალი საზოგადოებრივი ინტერესი იყო და ყველას აინტერესებდა შიმშილობდა თუ არა საქართველოს მესამე პრეზიდენტი.
„რა თქმა უნდა, მაღალი საზოგადოებრივი ინტერესი იყო ამ საკითხთან დაკავშირებით. ყველას აინტერესებდა შიმშილობდა თუ არა მიხეილ სააკაშვილი. ამ კითხვას ძალიან ნათელი პასუხი გაეცა. როგორც ყველაფერში, ამ შემთხვევაშიც მიხეილ სააკაშვილი არის „ფეიკი“. მისი შიმშილობაც „ფეიკი“ აღმოჩნდა. საზოგადოებას აინტერესებდა ეს ყველაფერი და დარწმუნდა, რომ სააკაშვილის შიმშილობა „ფეიკია“. - თქვა კობახიძემ.
ავტორი: ექსპრესნიუსი,
epn.ge (@expressnews.ge)
