ავსტრიის რესპუბლიკის ფედერალური პრეზიდენტი, ალექსანდერ ვან დენ ბელენი აცხადებს, რომ საერთაშორისო დამკვირვებლების შეფასებით, საქართველოში 2 ოქტომბრის არჩევნები ძირითადად კარგად ჩატარდა, თუმცა დამკვირვებლებს აქვთ სურვილი, რომ დამთავრდეს პოლიტიკური პოლარიზაცია.

ამასთანავე, მან სალომე ზურაბიშვილთან ერთბლივ ბრიფინგზე განაცხადა, რომ პრეზიდენტს ძალიან რთული ამოცანა აქვს პოლარიზაციის შესუსტების თვალსაზრისით.

„როგორც მოგეხსენებათ, ცოტა ხნის წინ საქართველოში ჩატარდა ადგილობრივი არჩევნები. საერთაშორისო დამკვირვებელთა მისიამ შეაფასა ეს არჩევნები, რომ ძირითადად კარგად ჩატარდა, მიუხედავად იმისა, რომ გაუმჯობესების შესაძლებლობები აქაც არსებობს და მათი სურვილია, დამთავრდეს პილიტიკური პოლარიზაცია. ჩვენც ვუერთდებით ამ იმედს, მაგრამ ქალბატონ პრეზიდენტ ზურაბიშვილსაც მინდა, მივულოცო. ის ცდილობს და ძალიან რთული ამოცანა აქვს მას ამ პოლარიზაციის შესუსტების და შუამავლობის თვალსაზრისით“, – განაცხადა ავსტრიის პრეზიდენტმა.

ავტორი: ექსპრესნიუსი,

სოციალური ქსელები

ტრამპმა განაცხადა, რომ ჩინეთში პუტინთან და სი ძინპინთან დენუკლეარიზაციის საკითხზე საუბარს აპირებს

ამსტერდამში ისრაელის პოლიტიკის წინააღმდეგ 200 ათასამდე ადამიანი გამოვიდა

უკრაინამ სანქტ-პეტერბურგთან ახლოს რუსეთის ერთ-ერთ უდიდეს ნავთობგადამამუშავებელ ქარხანას დაარტყა

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას