ფლანგვის დეტექტორი - „ოცნებამ“ თბილისში „ფეისბუქ“ რეკლამაში 16-ჯერ მეტი დახარჯა ვიდრე ოპოზიციამ

2021-10-08 20:33:47, 705 ნახვა

პოლიტიკა

2021 წლის სექტემბრის თვეში (4 სექტემბრიდან 4 ოქტომბრის ჩათვლით) ამ კანდიდატებმა ფეისბუქზე რეკლამაში ათასობით დოლარი დახარჯეს, კერძოდ: ქართული ოცნების მაჟორიტარების სარეკლამო ხარჯებმა 16,076 დოლარი შეადგინა, ხოლო ოპოზიციის მაჟორიტარების საერთო ხარჯებმა 1,021 დოლარი.- აღნიშნულ ინფორმაციას ორგანიზაცია ფლანგვის დეტექტორი ავრცელებს.

მათი ცნობით, საერთაშორის გამჭვირვალობის კვლევის თანახმად ამ არჩევნებზე მთლიანად სარეკლამო ხარჯებმა 6,705,488 ლარი შეადგინა, რომლის 79% ( 5.3 მლნ) ქართულმა ოცნებამ დახარჯა

"თბილისის 10 მაჟორიტარულ ოლქში ქართულ ოცნებას ყველგან თავისი კანდიდატი, ხოლო ოპოზიციის ნაწილს სხვადასხვა უბნებში, სხვადასხვა პარტიიდან შერჩეული საერთო მაჟორიტარული კანდიდატები ჰყავდა.

ცესკოს პირველადი შედეგების მიხედვით თბილისის 9 ოლქში პირველივე ტურში გაიმარჯვეს მმართველი პარტიის მაჟორიტარებმა და მხოლოდ საბურთალოს ოლქში გაიმართება მეორე ტური, სადაც ერთმანეთს ქართული ოცნებიდან ავთანდილ ცინცაძე, ხოლო ოპოზიციიდან ბორის ყურუა დაუპირისპირდებიან.

აღსანიშნავია, რომ სექტემბრის თვეში ავთანდილ ცინცაძის ფეისბუქ რეკლამების ხარჯებმა 2,833 დოლარი შეადგინა, ხოლო ბორის ყურუას ხარჯებმა 100 დოლარი. ანუ მმართველი პარტიის კანდიდატმა მის ოპონენტზე 28-ჯერ მეტი დახარჯა მხოლოდ ფეისბუქ რეკლამაში.

საერთაშორის გამჭვირვალობის კვლევის თანახმად ამ არჩევნებზე მთლიანად სარეკლამო ხარჯებმა 6,705,488 ლარი შეადგინა, რომლის 79% ( 5.3 მლნ) ქართულმა ოცნებამ დახარჯა", - წერია ფლანგვის დეტექტორი ინფორმაციაში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,