არჩევნების მონიტორინგის ორგანიზაციის ევროპული ქსელის (ENEMO) მისიის ხელმძღვანელმა დრიტან ტაულამ საქართველოში ჩატარებული ადგილობრივი თვითმმართველობის არჩევნების პირველადი შეფასებები და დასკვნები წარადგინა.

როგორც მან პრესკონფერენციაზე განაცხადა, არჩევნები ჩატარდა ეფექტურად და გამჭივრვალეთ, უბნებზე იყო მშვიდი ატმოსფერო, თუმცა ENEMO-ს დამკვირვებლებმა, განსაკუთრებით სოფლებში, შენიშნეს უბნებზე პარტიული აქტივები.

„2021 წლის ადგილობრივი თვითმმართველობის არჩევნები ჩატარდა ადგილობრივი კანონმდებლობის შესაბამისად, რომელიც კეთილსინდისიერად შესრულების შემთხვევაში, იძლევა დემოკრატიული არჩევნების ჩატარების გარანტიას., თუმცა  კამპანია გამოირჩეოდა მაღალი პოლარიზაციით ქვეყანაში არსებული ზოგადი მაღალი პოლიტიკური პოლარიზაციის ფონზე. დომინირებდა საერთო ეროვნულ პოლიტიკური თემები, რაც რაც ზიანს აყენებდა ადგილობრივ პრობლემების და  მოქალაქეებისა და მათი თემების საჭიროების დისკუსიებისა და წინადადებების წამოჭრას. ამომრჩევლებზე და კანდიდატებზე ზეწოლისა და დაშინების ბრალდებებმა ზიანი მიაყენა კამპანიას. არჩევნები ჩატარდა ეფექტურად და გამჭვირვალედ, უბნებზე ატმოსფერო მშვიდი იყო, თუმცა ჩვენი ორგანიზაციის დამკვირვებლებმა, განსაკუთრებით სოფლებში, შენიშნეს პარტიული აქტივები უბნებზე.

არჩევნები ჩატარდა ხანგრძლივი პოლიტიკური კრიზისის ფონზე, რომლის კულმინაციაც მოხდა შარშანდელი საპარლამენტო არჩევნებისა და ოპოზიციის მიერ საპარლამენტო ბოიკოტის შემდეგ. წინასაარჩევნო პერიოდი ხასიათდებოდა მაღალი პოლიტიკური პოლარიზაციისა და პოლიტიკური მოთამაშეების ღრმა უნდობლობით ერთმანეთის მიმართ“, - განაცხადა დრიტან ტაულამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მეუფე ზენონი - არსებობს საფრთხე,სიძულვილის ენასთან ბრძოლის იდეა გადაიქცეს კონტროლის მექანიზმად

დიუშენით დაავადებული ბავშვების მშობლები: სამუშაო ჯგუფში საპატრიარქო ჩაერთვება

ელისაშვილი მდინარაძეზე: სინანული მაქვს, რომ უფრო არ შემოვარტყი ყურის ძირში მაგ გარეწარს

ევროსასამართლოს გადაწყვეტილება შსს-ს ხელს არ აძლევს, აზრის დევნის პრაქტიკა აწარმოოს - საია მილაძის საქმეზე