2021-10-03 18:49:29, 514 ნახვა
პოლიტიკა
ბრიტანეთის საელჩო არჩევნებზე - ხარვეზები აუცილებლად უნდა აღმოიფხვრას
საქართველოში ბრიტანეთის საელჩო 2 ოქტომბერს ჩატარებულ თვითმმართველობის არჩევნებს სოციალურ ქსელში ეხმაურება.
საელჩოს განცხადებაში აღიშნულია, რომ დარღვევების შესახებ გავრცელებული ბრალდებები აუცილებლად უნდა აღმოიფხვრას.
“მხარს ვუჭერთ ეუთო/ოდირის შეფასებას, რომ საქართველოში ადგილობრივი არჩევნები კარგად ადმინისტრირებული იყო და ჩატარდა კონკურენტუნარიან გარემოში, თუმცა დარღვევების შესახებ გავრცელებულმა ბრალდებებმა პროცესი დააზიანა. აღნიშნული ხარვეზები აუცილებლად უნდა აღმოიფხვრას. იმედი გვაქვს, ყველა პოლიტიკური პარტია ჩაერთვება მეორე ტურის კამპანიაში საერთაშორისო სტანდარტების გათვალისწინებით", - ვკითხულობთ განცხადებაში.
ავტორი: ექსპრესნიუსი,
epn.ge (@expressnews.ge)
