საპარლამენტო უმრავლესობის წევრი მამუკა მდინარაძე არ გამორიცხავს, რომ 10-ზე მეტ რაიონში მეორე ტური გაიმართოს.

„არც თუ ცოტა რაიონში იქნება მეორე ტური, ეს არ იქნება ნახევარი რაიონების, მაგრამ შესაძლებელია, ეს იყოს 10-15 რაიონში. ეს არ იქნება 2 და სამი, მაგრამ არც 30. თბილისს რაც შეეხება, თბილისში თქვენ იცით, რომ ეგზიტპოლის მონაცემის მიხედვით, არის 51%-ზე ცოტა მეტი, 3-პროცენტიანი ცდომილების გათვალისწინებით, ჩვენ გადაჭრით არაფერი შეგვიძლია ვთქვათ. ჩვენი სურვილი იქნება, რომ ეგზიტპოლი შეცდეს ამ სამი პროცენტის ფარგლებში უფრო იქით, რომ იყოს მეტი, მაგრამ არაფერია გამორიცხული, შესაძლებელია, იყოს ნაკლები, ამიტომ გადაჭრით ამაზე საუბარი ჯერ არ შეგვიძლია. შემოდის მონაცემები და რამდენიმე საათში ამის შესახებ თქვენც და ჩვენც გვეცოდინება. მონაცემები განუწყვეტლივ იცვლება. ჩემი აზრით, 10-ზე მეტ რაიონში იქნება მეორე ტურები“, – განაცხადა მდინარაძემ.

კითხვაზე იქნება თუ არა თბილისის საკრებულოში კოალიციის აუცილებლობა, მამუკა მდინარაძემ აღნიშნა, ეს გამორიცხულია.

„დედაქალაქში კოალიციის აუცილებლობა არის გამორიცხული, თეორიულადაც. შეუძლებელია, ასე მოხდეს, არ ვიცი ვიღაცას ავიწყდება, თუ შეგნებულად ცრუობს. მაჟორიტარებისთვის არის 40%-იანი ბარიერი და არა 50%-იანი ბარიერი. ეს ნიშნავს, რომ პრაქტიკულად ათივე ოლქში მათი მონაცემების მიხედვითაც, მაგალითად ოპოზიციური ტელეკომპანიის მიერ გამოქვეყნებული მონაცემებითაც, რადგან საუბარია 46 პროცენტზე, ეს იმას ნიშნავს, რომ სავარაუდოდ, თბილსიში იქნება ისეთი მონაცემები, რომ პარტიისა და მაჟორიტარების მონაცემები რადიკალურად არ განსხვავდება. შეიძლება მაჟორიტარის კიდევ უფრო მეტი იყოს. 10-ვე ოლქში იგებს „ქართული ოცნების“ მაჟორიტარი, ეს 10 გარანტირებული მანდატი, ამის შემდეგ თუ დახლოებით იმავე პროცენტებზე გადავთვლით, 30-ზე მეტი მანდატი გამოდის „ქართულ ოცნებას“ საკრებულოში. თეორიულად გამოირიცხა ამ დათქმის მიხედვით, რომ თბილისში იყოს საკრებულოში კოალიციის შექმნის აუცილებლობა. როგორც ჩანს, მათ არ გაითვალისწინეს 40%-იანი ბარიერი, რომელიც არის მაჟორიტარისთვის და არა 50 პროცენტიანი, რომელიც არის მერისთვის მხოლოდ და მხოლოდ“, – განაცხადა მდინარაძემ.

ავტორი: ექსპრესნიუსი,

სოციალური ქსელები

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას

თიბისი მმართველ გუნდს საერთაშორისო საბანკო გამოცდილებით აძლიერებს

საქართველოს ბანკის საერთაშორისო სასტიპენდიო პროგრამა მოსწავლეებისთვის - ისწავლე UWC პროგრამით სასურველ ქვეყანაში

მეუფე ზენონი - არსებობს საფრთხე,სიძულვილის ენასთან ბრძოლის იდეა გადაიქცეს კონტროლის მექანიზმად