2021-10-02 12:09:00, 479 ნახვა
პოლიტიკა
ცესკო - კახა კუჭავამ საარჩევნო უბანზე აგიტაციის წესი დაარღვია
პარლამენტის თავმჯდომარე კახა კუჭავამ საარჩევნო უბანზე კანონი დაარღვია და ცესკოს თავმჯდომარე შესაბამისად იმოქმედებს. - ამის შესახებ ცესკოს პრეს-სპიკერმა ნათია იოსელიანმა ბრიფინგზე განაცხადა.
კახა კუჭავა საარჩევნო უბანზე ხმის მისაცემად "ქართული ოცნების" სიმბოლიკით გამოცხადდა, რაც კანონდარღვევაა.
"რაც შეეხება პარლამენტის თავმჯდომარის მიერ საარჩევნო სიმბოლიკის გამოყენებით საარჩევნო უბანზე შესვლას, აღნიშნულთან დაკავშირებით საოლქო საარჩევნო კომისიის თავმჯდომარე კანონის შესაბამისად იმოქმედებს. დარღვეულია საარჩევნო უბანზე აგიტაციის წესი. " - განაცხადა ნათია იოსელიანმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
