2021-08-18 12:07:54, 348 ნახვა

---

ირაკლი ღარიბაშვილი - მინდა დღევანდელი გამოსვლა დავიწყო ჩვენი ეროვნული გმირის და სიამაყის, გიორგი ანწუხელიძის დაბადების დღის მილოცვით, რომელმაც თავდადების და თავგანწირვის, ვაჟკაცობის, ქართული გაუტეხელი სულის არნახული მაგალითი დაგვიტოვა

მე მინდა, რომ დღევანდელი გამოსვლა დავიწყო ჩვენი ეროვნული გმირის და ჩვენი სიამაყის, გიორგი ანწუხელიძის დაბადების დღის მილოცვით, -  ამის შესახებ საქართველოს პრემიერ-მინისტრმა ირაკლი ღარიბაშვილმა ქედაში, „ქართული ოცნების" ქედის მერობის კანდიდატის როლანდ ბერიძის წარდგენის ღონისძიებაზე სიტყვით გამოსვლისას განაცხადა.

როგორც მთავრობის მეთაურმა აღნიშნა, გიორგი ანწუხელიძემ თავდადების და თავგანწირვის, ვაჟკაცობის, ქართული გაუტეხელი სულის არნახული მაგალითი დაგვიტოვა.

„მივესალმები ქედას და ქედელებს. დიდი მადლობა მობრძანებისთვის. მინდა ყველას მადლობა გადაგიხადოთ, პირველ რიგში, თქვენი ერთგულებისთვის, გვერდში დგომისთვის. სწორედ თქვენი გვერდში დგომით, ჩვენმა დიდმა ოჯახმა, ჩვენმა პარტიამ, „ქართულმა ოცნებამ" 7 გამარჯვებას მიაღწია ბოლო 7 არჩევნებში. ახლა  ვემზადებით, რომ მე-8 არჩევნებში ასევე ღირსეულად და დამაჯერებლად  გავიმარჯვოთ.

მე მინდა, რომ დღევანდელი გამოსვლა დავიწყო ჩვენი ეროვნული გმირის და ჩვენი სიამაყის, გიორგი ანწუხელიძის დაბადების დღის მილოცვით. დიდება ჩვენს გმირებს და დიდება ჩვენს გმირს, გიორგი ანწუხელიძეს, რომელმაც, მართლაც, თავდადების და თავგანწირვის, ვაჟკაცობის, ქართული გაუტეხელი სულის არნახული მაგალითი დაგვიტოვა და მართლაც ღირსეულად ჩაეწერა საქართველოს ისტორიაში, გმირების ისტორიაში. სწორედ გიორგი ანწუხელიძის ქვეყანა არის საქართველო და არა ლაჩრების და მოღალატეების, რომლებმაც ლაჩრულად მიატოვეს ჩვენი ჯარისკაცები, ჩვენი ქვეყანა და ჩვენი ხალხი აგვისტოს ომში, ლაჩარმა სააკაშვილმა" , - აღნიშნა პრემიერ-მინისტრმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი