2021-08-16 13:28:05, 735 ნახვა
მსოფლიო
მედიის ინფორმაციით, ქაბულის აეროპორტში, სულ მცირე 5 ადამიანი დაიღუპა
ქაბულის აეროპორტში, სადაც ავღანელები ქვეყნიდან გაქცევას ცდილობდნენ მას შემდეგ, რაც ქვეყანაში ძალაუფლება თალიბებმა აიღეს, სულ მცირე, 5 ადამიანი დაიღუპა, - ინფორმაციას Reuters-ი ავრცელებს.
მედიის ცნობით, ჯერჯერობით უცნობია, აეროპორტში ადამიანები ცეცხლსასროლი იარაღით დაიხოცნენ თუ ჭყლეტის შედეგად.
ცნობისთვის,მას შემდეგ, რაც თალიბანმა ავღანეთზე სრული კონტროლი დაამყარა, ავღანელები ქვეყნიდან გაქცევას ცდილობენ. ხდება უცხო ქვეყნის მოქალაქეების ევაკუაციაც.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
