2021-08-14 12:44:22, 848 ნახვა
მსოფლიო
თურქეთში წყალდიდობის შედეგად დაღუპულთა რიცხვი 40-მდე გაიზარდა
თურქეთში წყალდიდობის შედეგად დაღუპულთა რიცხვი 40-მდე გაიზარდა, - ინფორმაციას ადგილობრივი მედია ავრცელებს.
წყალდიდობის შედეგად დაზარალებული ტერიტორიებიდან ვერტმფრენებისა და ნავების გამოყენებით 1 700-ზე მეტი ადამიანის ევაკუირება გახდა საჭირო.
სტიქიის გამო, კასთამონუს პროვინციის 112 სოფელი და სინოპის პროვინციის 86 სოფელი ელექტროენერგიის გარეშეა დარჩენილი. თურქეთის შავი ზღვის რეგიონის ჩრდილოეთ ნაწილში ძლიერი წვიმის შედეგად გამოწვეულ წყალდიდობას 11 აგვისტოდან ებრძვიან.
ავტორი: ექსპრესნიუსი,
epn.ge (@expressnews.ge)
