2021-08-04 12:57:11, 409 ნახვა
საზოგადოება
„მობილური იუსტიციის სახლი" აგვისტოდან ამოქმედდება
იუსტიციის სამინისტრო ინოვაციური პროექტის - „მობილური იუსტიციის სახლის" განხორციელებას იწყებს.
,,პირველ ეტაპზე პროექტი საპოლიტე რეჟიმში განხორციელდება და 6 რეგიონის ათეულობით სოფელს მოიცავს, საბოლოოდ კი, პროექტი სრულად დაფარავს საქართველოს ყველა იმ სოფელს, სადაც სახელმწიფო სერვისები მიუწვდომელია", განაცხადა იუსტიციის მინისტრმა 10 წლიანი სტრატეგიული გეგმის პრეზენტაციაზე.
„მობილური იუსტიციის სახლის" ავტოსატრანსპორტო საშუალებებით ყველა სერვისის სრულყოფილად გაცემა იქნება შესაძლებელი. რატი ბრეგაძის განცხადებით, პროექტი მოქალაქეებს მისცემს შესაძლებლობას, დაზოგონ ხარჯები და სოფლიდან გაუსვლელად მოაწესრიგონ მათთვის მნიშვნელოვანი დოკუმენტაცია.
ავტორი: NS (სტატია დაფინანსებულია),
epn.ge (@expressnews.ge)
