ხმამაღალი ტაში დავუკრათ ლექსოს, დაყრუებულმა ღარიბაშვილმა იქნებ გაიგოს მწვანე შუქი რომ აუნთო მოძალადეებს, - ამის შესახებ ჟურნალისტმა ინგა გრიგოლიამ პარლამენტთან სიტყვის გამოსვლისას განაცხადა, სადაც ამ წუთებში მთავრობის გადადგომის მოთხოვნით საპროტესტო აქცია მიმდინარეობს.

მისივე თქმით, ხელისუფლებამ ქართული მედიის წინააღმდეგ სპეცოპერაცია მოაწყო.

„მეგობრებო ჟურნალისტები არასდროს ითხოვენ აპლოდისმენტებს, არც არავინ უკრავს ტაშს, მაგრამ ლექსოს დავუკრათ ყველამ ერთად ტაში, ლექსო შეეწირა საკუთარი პროფესიული მოვალეობის შესრულებას, ხმამაღალი ტაში დავუკრათ. დაყრუებულმა ღარიბაშვილმა იქნებ გაიგოს, მწვანე შუქი რომ აუნთო აქ მოძალადეებს.

იმ დღეს ხელისუფლებამ მოაწყო სპეცოპერაცია ქართული მედიის წინააღმდეგ, არავის გვჯერა არავინ ვართ ბრიყვები რომ ეს შავრაზმული ჯგუფების დაგეგმილი იყო, ეს იყო ხელისუფლების მიერ დაგეგმილი სპეცოპერაცია ქართული მედიის წინააღმდეგ. თქვე არაკაცებო თქვენ, მეგონა ისე მოვკვდებოდი, რომ ჩემ სათქმელს მხოლოდ მიკროფონიდან ვეტყოდი მაყურებელს, მეც არ მჯერა ამდენი ხალხის წინაშე პოლიტიკური მოთხოვნით რომ გამოვდივარ: გადადგეს ირაკლი ღარიბაშვილი, მიყვეს ყველა მოძალადე ვინც ეს დაგეგმა, გადადექით სირცხვილია, ახალგაზრდები ხართ, შვილები ხომ გეზრდებათ“, - განაცხადა ინგა გრიგოლიამ.

ცნობისთვის, რუსთაველის გამზირზე, პარლამენტის შენობის წინ საპროტესტო აქცია მას შემდეგ დაანონსდა, რაც „ტვ პირველის“ ოპერატორი, ალექსანდრე ლაშქარავა, გარდაიცვალა. ლაშქარავა 5 ივლისს ძალადობრივი ჯგუფების მსვერპლი გახდა, რომელსაც მოძრაობა „სირცხვილიას“ ოფისში 20-მდე პირი ფიზიკურად გაუსწორდა.

გარდაცვლილის ცხედარს ექსპერტიზა უტარდება. შინაგან საქმეთა სამინისტრომ გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.

ავტორი: ექსპრესნიუსი,

სოციალური ქსელები

ტრამპმა სი ძინფინი სექტემბერში თეთრ სახლში მიიწვია

საქართველოს ბანკი ფოთის საჭადრაკო კლუბის მხარდამჭერია

„ტოიოტა ცენტრი თეგეტამ“ სრულიად ახალი, მე-6 თაობის Toyota RAV4 წარადგინა

BOG Emolas Corporation-თან პარტნიორობს - კულტურული პროექტები აშშ-ში მყოფი ქართველებისთვის