ერთ-ერთი მიღწევაა ის, რომ დედაქალაქში საპარკე კულტურა დაბრუნდა, - ამის შესახებ  თბილისის მერის მოადგილემ, ანდრია ბასილაიამ გარემოს დაცვის პოლიტიკის მიმართულებით გახორციელებული პროექტების ანგარიშის პრეზენტაციაზე ისაუბრა.

მისი თქმით, გარდა არსებული პარკების რეაბილიტაციისა, ახალი საპარკე არეალები იქმნება.

„ნებისმიერ მწვანე სივრცეში დღის განმავლობაში სხვადასხვა თაობის უამრავ ადამიანს შეხვდებით. ეს არის ჩვენთვის ერთ-ერთი მიღწევა. ჩვენ ახალ საპარკე არეალებს ვქმნით, რისთვისაც, ისევე, როგორც ევროპის დედაქალაქებში, თანამედროვე ზონირების პრინციპები გამოიყენება“, - განაცხადა ანდრია ბასილაიამ.

მისი თქმით, პარკების დაგეგმვის პროცესის მნიშვნელოვანი ნაწილია მოსახლეობის ჩართულობა.

„ევროსაბჭოს დახმარებით შევიმუშავეთ პლატფორმა, რომელიც უზრუნველყოფს მოსახლეობის ჩართულობას დიდი პარკების დაგეგმვის პროცესში. მაგალითად, კიკვიძის პარკში მერს ახალგაზრდებმა სკეიტ ზონის მოწყობა სთხოვეს, რომლის სამუშაოებიც ამჟამად მიმდინარეობს“, - აღნიშნა ანდრია ბასილაიამ.

პრეზენტაციისას თბილისის მერის მოადგილემ ისაუბრა როგორც რეაბილიტირებულ პარკებზე -  ვასო გოძიაშვილის პარკი, მოსკოვის გამზირზე, ორკილომეტრიანი შუა ზოლი, ადამიანი და მზე, „დედაენის“ და „9 მარტის“ პარკები, მზიურის პარკი, ასევე მიმდინარე პროექტებზეც - ცენტრალური პარკი - ყოფილი იპოდრომის ტერიტორია, მთაწმინდის ფერდის აღდგენა, ვარკეთილის ხევის, რიგის პარკის, თემქის ხევის და ვაკის პარკის რეაბილიტაცია.

„ვაკის პარკი ჩვენი ქალაქის ძეგლია. რამდენიმე თვეში დასრულდება სამუშაოები და მივიღებთ განახლებულ ვაკის პარკს და რაც მთავარია მისი პირველადი სახე სრულად შენარჩუნდება“, - განაცხადა ანდრია ბასილაიამ.

დასასრულს, თბილისის მერის მოადგილემ სამომავლო პროექტებზეც ისაუბრა.

„ეს არ არის მხოლოდ იდეის დონეზე არსებული პროექტები, თითოეულ მათგანზე დიდი ხანია ვმუშაობთ, მათ შორისაა: დიღმის ჭალების პარკი, ვერის პარკის და თბილისის დენდროლოგიური პარკი“, - აღნიშნა ანდრია ბასილაიამ.

ავტორი: NS (სტატია დაფინანსებულია),

სოციალური ქსელები

გერმანიის შეიარაღებული ძალების მეთაური: რუსეთმა შესაძლოა ნატოს 2029 წელს შეუტიოს

ჰელსინკის აეროპორტის ფუნქციონირება დრონის გამო შეჩერდა

საუდის არაბეთმა ირანსა და ახლო აღმოსავლეთის ქვეყნებს შორის თავდაუსხმელობის შესახებ პაქტის გაფორმების წინადადება წამოაყენა - Financial Times

უკრაინულმა დრონები რუსეთის ერთ-ერთ უდიდეს ნავთობგადამამუშავებელ ქარხანას თავს დაესხნენ, სამი ადამიანი დაიღუპა.