2021-05-27 23:45:00, 665 ნახვა
საზოგადოება
თბილისის მერია - 28 მაისიდან 11 ივნისის ჩათვლით, ჟანი კალანდაძის ქუჩაზე მოძრაობა ორმხრივად შეიზღუდება
28 მაისიდან 11 ივნისის ჩათვლით, კრწანისის რაიონში, ჟანი კალანდაძის ქუჩაზე მოძრაობა ორმხრივად შეიზღუდება.
ამის შესახებ ინფორმაციას თბილისის მერია ავრცელებს.
„ტერიტორიაზე კომპანია „ჯორჯიან უოეთერ ენდ ფაუერი" წყალარინებისა და სასმელი წყლის მილების შეცვლას ასრულებს. ამის შემდეგ კი, კრწანისის რაიონის გამგეობის კონტრაქტორი კომპანია სანიაღვრე სისტემისა და საგზაო ინფრასტრუქტურის მოწყობას დაიწყებს. სამუშაოების ფარგლებში, ორფენიანი ასფალტის საფარი დაიგება.
ჟანი კალანდაძის ქუჩაზე სანიაღვრე სისტემის მოწყობისთვის აუცილებელია საავტომობილო გზაზე ორმხრივი მოძრაობის შეზღუდვა.
თბილისის მერია ბოდიშს გიხდით შექმნილი დისკომფორტის გამო!“,- წერია განცხადებაში.
ავტორი: NS (სტატია დაფინანსებულია),
epn.ge (@expressnews.ge)
