ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე  ჯანმრთელობის მსოფლიო ორგანიზაციის იმუნიზაციისა და ვაქცინებით მართვადი დაავადებების პროგრამის მენეჯერს სიდჰარტა დატას  და ჯანმრთელობის მსოფლიო ორგანიზაციის საქართველოს ოფისის ხელმძღვანელს სილვიუ დომენტეს შეხვდა.

მხარეებმა COVID-19-ის ვაქცინაციასთან დაკავშირებული საკითხები განიხილეს. მინისტრმა ჯანმრთელობის მსოფლიო ორგანიზაციის წარმომადგენლებს დეტალურად მიაწოდა  ინფორმაცია იმუნიზაციის  პროცესის მიმდინარეობასთან დაკავშირებით. ისაუბრეს ჯანდაცვის  სფეროში 2021 წლის თანამშრომლობის საკითხებსა და სამომავლო გეგმებზე.

„საქართველოში  ვაქცინაციის საკითხებში ჯანმრთელობის მსოფლიო ორგანიზაციის რეგიონული მრჩეველი   იმყოფება. სიდჰარტა დატამ მიმდინარე იმუნიზაციის პროგრამა  დადებითად შეაფასა. მივიღეთ რჩევები ვაქცინაციის პროგრამის გაფართოებასთან დაკავშირებით, ვისაუბრეთ მასიური ვაქცინაციის ცენტრების ჩამოყალიბებაზეც. ეს თანამშრომლობა მომავალშიც აქტიურად გაგრძელდება“,-ამის შესახებ თამარ გაბუნიამ განაცხადა.

ეკატერინე ტიკარაძემ ჯანმრთელობის მსოფლიო ორგანიზაციას, იმუნიზაციისა და ვაქცინების დანერგვის მიმართულებით,  საქართველოსთვის გაწეული მხარდაჭერისთვის მადლობა  გადაუხადა  და  სამომავლო საქმიანობაში წარმატებები უსურვა. სიდჰარტა დატამ თავის მხრივ  ჯანდაცვის სისტემაში განხორციელებული და მიმდინარე რეფორმების მიმართ მხარდაჭერა და თანამშრომლობის კიდევ უფრო გაღრმავებისთვის მზადყოფნა გამოხატა.  

„ მინდა მადლობა გადავუხადო ჯანდაცვის სამინისტროსა და საქართველოს მთავრობას  იმ უზარმაზარი ძალისხმევისთვის,  რომელიც მათ პანდემიის  წინააღმდეგ ბრძოლაში  გასწიეს.  იმუნიზაციის პროგრამა ძალიან მნიშვნელოვანია და საქართველო ამ კუთხით კარგი მაგალითია“,- ამის შესახებ  ჯანმრთელობის მსოფლიო ორგანიზაციის იმუნიზაციისა და ვაქცინებით მართვადი დაავადებების პროგრამის მენეჯერმა  სიდჰარტა დატამ განაცხადა.

 შეგახსენებთ, რომ ჯანმრთელობის მსოფლიო ორგანიზაციის აქტიური მხარდაჭერით, COVAX-ის პლატფორმის ფარგლებში  1.4 მილიონი დოზა ვაქცინის შესყიდვაა დაგეგმილი.  ვაქცინაციის ეროვნული გეგმის თანახმად, 2021 წლის განმავლობაში ვაქცინაციის ჩატარების სამიზნე ნიშნული მოსახლეობის 60%-ია.

ავტორი: NS (სტატია დაფინანსებულია),

სოციალური ქსელები

გარდაბანში მომხდარი ავარიის შედეგად დაშავებული ახალგაზრდა კლინიკაში გარდაიცვალა - ავტოსაგზაო შემთხვევას, ჯამში, 8 ადამიანი ემსხვერპლა

მომსახურების სააგენტო პირებს ვისაც 365-დღიანი ვადა უახლოეს პერიოდში ეწურებათ, გამოცდის დაჯავშნის პროცესს ამარტივებს

„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით

კობახიძე - 26 მაისს ოპოზიციის ინიციატივები სრული წარუმატებლობისთვის არის განწირული