გიგა ბოკერია მოუწოდებს მოქალაქეებს, არ შეუერთდნენ „ნამახვანჰესის“ საწინააღმდეგო პროტესტს

2021-05-25 12:56:08, 788 ნახვა

კომენტარი

პარტია „ევროპული საქართველოს“ თავმჯდომარე გიგა ბოკერია მოუწოდებს მოქალაქეებს, რომ არ შეუერთდნენ „ნამახვანჰესის“ საწინააღმდეგო აქციის მონაწილებს.

როგორც გიგა ბოკერიამ ბრიფინგზე განაცხადა, აღნიშნული არც პრაგმატულად, არც მორალურა კარგ შედეგს არ მოიტანს.

„ჩვენი ქვეყნის მომავლის წინააღმდეგ გზავნილებია ეს ყველაფერი. ეს არ ეხება ყველა ადამიანს ვინც ამ პროტესტში მონაწილეობს, მაგრამ ინიციატივა აქვს სწორად ამ განწყობილებებს. ეს არის სამწუხარო ფაქტი, ამიტომ მინდა მოვუწოდო ყველა გულწრფელ მოქალაქეს, რომელიც გაბრაზებულია ამ მთავრობაზე საფუძვლიანად, არ შეუერთდეს ამ პროტესტს. მე მინდა მოვუწოდო ყველა პოლიტიკურ პარტიას და სამოქალაქო ჯგუფს, არ აყვნენ ცდუნებას, რომ ხალხი გაბრაზებულია, რაღაც ხალხის რაოდენობა დაინახეს და ეს არის შესაძლებლობა ამ მთავრობის წინააღმედ ამის გამოყენების. ეს არ მოიტანს არც პრაგმატულად, არც მორალურად კარგ შედეგს“, - განაცხადა გიგა ბოკერიამ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან